Müdriklərdən öyüdlər / Akif Hüseyinli

      Share

      * Alimlərin dünyanı sevmələri, ona qarşı istəkli olmaları gözəl üzlərinə bir ləkədir.

      * Nəfsi-əmmarə (nəfsin ən aşağı mərtəbəsi) məqam sahibi və başçı olmaq sevdası üzərinə yaradılmışdır. Bu məqamda olanın bütün əməyi dost, yoldaş və tanışları üzərində başçı olmaqdır.

      * Nəfsin baş olmaq, üstün olmaq xüsusundakı boş xülyalarından qurtulmadıqca əsl qurtuluşdan danışmaq cəfəngiyyatdır.

      * Bu dünya üz-gözünü boyamış çirkin qadın kimidir.

      * Yeyilən yeməkdən məqsəd Allaha itaətin yerinə yetirilməsi üçün güc-qüvvət qazanmaqdır.

      * Əməl işləməyin vaxtı gənclikdir.

      * Vaxtların şərəflisi olan gənclik çağını əməllərin ən fəzilətlisi olanlar üçün xərcləmək lazımdır.

      * Fəqirlərlə söhbətdən bezib varlılarla söhbəti seçənlər nə bədbəxtdirlər.

      * Möminlərə görə Allah hər şeydən dəyərli və sevimlidir.

      * Bəla məhbubun qamçısıdır; sevən insanı məhbubundan başqasına iltifat etməkdən uzaqlaşdırar.

      * Dərd və bəlanın bir başqa üzü də var ki, doğru sevənlə yalandan sevəni ayırd edər.

      * Ağlın afəti daimi və yersiz bir mabahisə içində olmasıdır.

      * İmanın afəti inkardır. Sevginin afəti şəhvət yolunu tutmasıdır.

      * Haqq yolda olanların afəti məqam-mövqe sahibi olmaq arzusudur.

      * Əhli-qibləni küfrlə ittiham etmə.

      * Elmiylə amil olmayan, dini qayə deyil alət edən, ədəbdən xəbərsiz, nəfslərinin ardına düşmüş insan qılıqlı azğınlardan uzaq ol.

      * Məhəbbət ürəkdə olan bir atəşdir, könüldə haqdan qeyrisini saxlamaz, yandırar.

      * Yeməyi səni daşıyacağı qədər ye, sənin onu daşıyacağın qədər yemə.

      * Dil insanın tərəzisidir.

      * Dost və yoldaşların qeybətini etmək rəzillikdir.

      * Minnət qoymaq səxavətliliyi puça çıxardan fəlakətdir.

      * Danışırsan doğru danış, söz verirsən tut, şirin dil, insanlara salam vermək sünnədir.

      * Mülayim söz və çox salamlaşmaq insanların sevgisini qazandırar

      • Hits: 774 clicks

      Tecox component by www.teglo.info