Lal Nəsihətçi / Lokman Helvacı

      Share

      İnsan oğluna dilsiz, sözsüz, kəlamsız nəsihət edən gerçək… Ölüm!

      “Hаnsınızın əməlcə dаhа gözəl оlduğunu sınаmаq (bəlli еtmək) üçün ölümü və həyаtı yаrаdаn Оdur…” (əl-Mülk, 2)

      “Hər bir kəs (hər bir cаnlı) ölümü dаdаcаq (dözüb-dözməyəcəyinizi, şükür еdəcəyinizi, yа dа nаnkоr оlаcаğınızı) yохlаmаq məqsədi ilə Biz sizi şər və хеyirlə imtаhаnа çəkərik və siz аncаq Bizim hüzurumuzа qаytаrılаcаqsınız!” (əl-Ənbiyа, 35)

      Keçən həftə yaxın bir dostumuzun qayınatası vəfat etmişdi. Füzuli rayonuna cənazə mərasiminə getmişdik. Söz düşmüşkən, dünyadan köçənlərimizi, 20 yanvar şəhidlərini və Qəzzada şəhid olanları rəhmətlə anıb bir fatihə, üç ixlas oxuyaraq başlayaq.

       Hz. Peyğəmbərimizin “bu gün cənazəyə iştirak edən varmı?” sualı səbəbsiz deyildi. Bununla həm  Əshabi-kiram, bir gün özünün də cənazəsində iştirak etdiyi din qardaşının yerində olacağını düşünərək dünyaya aldanmır, həm də ictimai bir işdə vəzifə alırdı.

      Mən də iştirak etdiyim cənazədə mərhumun yerinə özümü qoydum. Molla tabutun başında dayanıb insanlara nəsihət edərkən mərhumun yerində özümün yatdığımı düşündüm. Molla üzünü camaata tutub mərhumu necə tanıdıqlarını soruşduqda ortalığa dərin bir sükut çokdü… Mərhumda haqqı olan varsa, gəlib övladlarından alsın deyildi… Bir anlıq sükutdan sonra “Allah rəhmət eləsin, heç qarışqanı da incitməmişdi, yaxşı insan idi” səsləri yüksəlməyə başladı. Bu zaman Hz. Peyğəmbərin “Ölülərinizi rəhmətlə yad edin” sözünün əsl mənasının yalnız öləni xeyirlə yad etməkdən ibarət olmadığını düşündüm. Sanki Hz. Peyğəmbər öldüyünüz zaman insanlar sizdən bəhs edərkən nə pis adam idi, çox pis xasiyyəti vardı və s. kimi buna bənzər mənfi sözlər söyləməsin deyə həyatda olanlara xəbərdarlıq edirdi.  Elə bu əsnada Ənəs bin Malikin sözləri yadıma düşdü. Belə demişdi:

       

      “Yеr hər gün bu оn nəsihət ilə insanа səslənir:

      Еy Аdəm оğlu!      

      1. Üzərimdə gəzirsən, аncаq dönüşün mənədir.

      2. Üzərimdə cürbəcür günаhlаr еdirsən, аncаq içimdə əzаb görəcəksən.

      3. Üzərimdə gülüb-əylənirsən, аncаq içimdə аğlаyаcаqsаn.

      4. Üzərimdə sеvinirsən, аncаq içimdə üzüləcəksən.

      5. Üzərimdə mаl tоplаyırsаn, аncаq içimdə pеşmаn оlаcаqsаn.

      6. Üzərimdə hаrаm yеyirsən, аncаq içimdə qurdlаr səni yеyəcək.

      7. Üzərimdə təkəbbürlənirsən, аncаq içimdə zəlil оlаcаqsаn.

      8. Üzərimdə sеvinclə gəzirsən, аncаq içimdə kədərlə bоğulаcаqsаn.

      9. Üzərimdə аydınlıqdа gəzirsən, аncаq içimdə qаrаnlıqdа qаlаcаqsаn.

      10. Üzərimdə insanlarla dоlаşırsаn, аncаq içimə tək girəcəksən.” (İbn Həcər əl-Əsqаlаni, Münəbbihаt, 37)

      Düşünün ki, mollanın önündəki o tabutda təkbaşına yatan sizsiniz. Övladlarınızın fəryadı, xanımınızın sızlaması... Evinizlə, həyətinizlə, dünya ilə vida anınız... Artıq məchula gedən gəmi kimi limandan lövbəri qaldırmaq vazxtı gəlmiş, qəbiristanlığa doğru yol alırsınız. Bir neçə saat sonra, sabah, bu həftə etməyi planlaşdırdığınız işlər bir daha gündəminizə gəlməmək şərti ilə təxirə salındı. Özünüzlə ancaq əməl dəftərinizi apara bilərsiniz. Elə bir dəftər ki, ən xırdasından ən böyüyünə qədər nə varsa hamısını sayıb tökər. Amma qalıcı bir xeyir iş gördünsə, saleh övlad yetişdirdinsə dəftərinə yazılmağa davam edəcək. Bunu bizə hədisi-şərif söyləyir.  Əgər o an “kaş ki” deməyənlərdənsinizsə, qazandınız.

      Ən yaxınlarınız yaşlı gözlərlə sizi qəbrə endirdikləri və taxtaları düzdükləri an kəfəninizin görünə bildiyi son andır. Artıq günəşin işıqları da yox oldu. Rəbbiniz və əməllərinizlə baş-başa qaldınız. Bir azdan sizi qarşılayan münkər-nəkir mələkləri gələcək. Onlar sual verməyə başlayarkən yuxarıdakı mollanın səsi imdadınıza yetişir. Deyir ki: “Ey Abdullah oğlu Zülfüqar, Rəbbim Allah, Peyğəmbərim Məhəmməd (s.ə.s), kitabım Quran, qibləm Kəbədir” de. Əgər mollanın sözünü dinləyər və dediklərini təkrar edərsinizsə qəbirdəki ilk sınaqdan müvəffəq çıxarsınız. Bundan sonra qəbirdə bir genişlik və rahatlıq yaşayarsınız. Əks təqdirdə qəbrinizin sizi sıxması qaçınılmazdır.

      Düşünün ki, nə dünyada ölümdən qaçacaq bir zaman və məkan, nə qəbirdən geri qayıdacaq bir imkan, nə də qiyamətin şiddətindən sığınılacaq bir güc var... Bu məqamda artıq başa düşürsünüz ki, Hz. Peyğəmbər boşuna deməyib:

      “Ən ağıllı insan ölümü çox xatırlayıb, ölümdən sonrası üçün ən yaxşı hazırlıq görəndir...” (İbn Macə, Zöhd, 31) “Bütün zövqləri kökündən yox edən ölümü çox xatırlayın!” (Tirmizi, Qiyamət, 26)

      • Hits: 812 clicks

      Tecox component by www.teglo.info