İRFAN JURNALI “İRFAN MƏCLİSLƏRİ”NƏ START VERDİ

    PDF faylını alÇapE-poçt

      Share

      30 yanvar 2010-cu il tarixində İrfan jurnalının təşkilatçılığı ilə Gəncliyə Yardım Fondunun konfrans salonunda Azərbaycanın və Türk dünyasının tanınmış şairi Məmməd Aslanın həyat və yaradıcılığına həsr edilmiş “İrfan Məclisi” keçirilmişdir.         

      İrfan jurnalı öz fəaliyyət sahəsini daha da genişləndirərək yeni layihələr də həyata keçirir. Bunlardan biri də “İrfan məclisləri”dir. Bundan sonra ay keçiriləcək “İrfan məclisiləri” Azərbaycanın tanınmış insanlarının, alimlərinin, şair və yazıçılarının, elm xadimlərinin həyatına həsr olunacaqdır. 

      Belə məclislərin keçirilməsində əsas məqsəd həyat və yaradıcılıqlarını dövlətimizin və millətimizin mənafeyinə həsr etmiş insanlara minnətdarlıq etmək, həyatda öz sözünü deyən tanınmış insanların şərəfli həyat yolları ilə gənc nəsli yaxından tanış edib, onların adlarını gənc nəslin hafizəsində əbədiləşdirməkdir.

         Qeyd edək ki, İrfan Məclisinin ilk mövzusu Azərbaycanın və Türk dünyasının tanınmış şairi Məmməd Aslanın həyat və yaradıcılığına həsr edilmişdir. Jurnalın redaktoru Nurlan Məmmədzadənin açılışını etdiyi bu məclisdə tanınmış xalq şairləri və yazıçılarla birgə kütləvi informasiya vasitələrinin nümayəndələri, o cümlədən digər tanınmış qonaqlar iştirak etmişlər. Tədbirdə xalq şairi Zəlimxan Yaqub, Aşıq Ədalət, Aşıq Elbrus, Gəncliyə Yardım Fondunun nümayəndəsi Ali Çınar və digər qonaqlar öz gözəl çıxışları ilə Azərbaycanın və Türk dünyasının tanınmış şairi Məmməd Aslanı bu gün münasibəti ilə təbrik etdilər. Şairin ömür yolundan bəhs edən slayd və fotoxronikanın da göstərildiyi tədbirin sonunda səbəbkar qonaqlarla birlikdə xatirə şəkilləri də çəkdirdi. Ümid edirik ki, şair Məmməd Aslan hələ bu xalq üçün çox yaşayacaq və gözəl əsərlər ərsəyə gətirəcəkdir. 

      • Hits: 1098 clicks

      Tecox component by www.teglo.info