Sirli Dünya / Vaqif NUR

      Share

      Bu dünyanın əvvəli yox, sonu yox,

      Dərdi böyük dərmanı az dünyadır.

      Sirri bilən sirdaşından xəbər yox,

      Ağır yüklü min əzablı dünyadır.

       

      İnsan deyil, ağarmayıbdır başı,

      Xəbər verməyibdir torpağı, daşı

      Soraq verən yoxdur neçədir yaşı

      Əvvəli yox, axırı yox dünyadır.

       

      Çox dolubdur, boşalıbdır göyləri,

      Aparıb özüylə neçə elləri.

      Nə üçün bölünüb dünya dilləri,

      Özü sirli açanı yox dünyadır.

       

      Çoxlarını gətiribdir qoynuna,

      Tez də atıb o dünyanın boynuna.

      Bir yazıdır, Allah yazıb alnına,

      Həm ağladan,

      Həm güldürən dünyadır.

       

      • Hits: 1065 clicks

      Tecox component by www.teglo.info