Nəyi Xatırlayır Bu Dəli Könül?! / Elgün Kərimov

      Share

      Qəlbim tarixçidir, mənsə savadsız,

      Nəyi xatırlayır bu dəli könül

      Hansı xatirəylə çırpınır tez-tez,

      Nəyi xatırlayır bu dəli könül

       

      Hərdən qan ağlayır ələmdən coşur,

      Kövrəlir isti göz yaşa bulaşır,

      Baxır şair beyni düşünür çaşır

      Nəyi xatırlayır bu dəli könül

       

      Bəzən fərəhlənir qürurla vurur,

      Bilmirəm hardandır onda bu qürur,

      Yenə dərin ağlım çarəsiz durur,

      Nəyi xatırlayır bu dəli könül

       

      Səma buludlansa məndən tez duyur,

      Ürəyim od tutur, cismim soyuyur,

      Yağışdan nə torpaq, nə qəlbim doyur,

      Nəyi xatırlayır bu dəli könül

       

      Bu şair ürəyi bir başqa gözdür,

      Kimsə bilmədiyi hikmətdir, sözdür

      Mənim yadigarım Elgündən izdir,

      Nəyi xatırlayır bu dəli könül

       

      • Hits: 766 clicks

      Tecox component by www.teglo.info